၁၉နှစ် သားနဲ့ အင်းဝ ကို တည်ထောင်နိုင်ခဲ့သူ
ပုဂံနေပြည်တော်အား မွန်ဂိုတပ်များ ကျူးကျော်တိုက်ခိုက်ခဲ့ပြီးနောက် ပုဂံသည် မင်းနေပြည်တော်အဖြစ်မှ လျှောကျကာ ပြိုကွဲသွားခဲ့ပါတယ်။
ပင်းယ ၊ စစ်ကိုင်း ၊ လောင်းကြက် ၊ ဟံသာဝတီ စတဲ့ နိုင်ငံငယ်လေးများ အဖြစ်အသီးအသီး မင်းမှုကြပါတယ်။ ပင်းယတွင် သတိုးမင်းဖျားနန်းတက်ခဲ့ပြီးနောက် မြို့အခြေအနေကို မနှစ်သက်ပဲ မြို့သစ်တည်ခဲ့ရာမှာ အင်းဝမြို့ဆိုပြီးဖြစ်လာပါတယ်။
သတိုးမင်းဖျားဟာ ပင်းယမြို့တည်တစ်စီးရှင်သီဟသူ ၏ မြစ်ဖြစ်ပြီး စိုးမင်းကိုယ်တော်ကြီး၏ သား ဖြစ်ပါတယ်။ စစ်ကိုင်းမှာနေစဉ် ဘထွေးတော်မင်းပြောက်က စစ်ကိုင်းကိုသိမ်းပိုက်ရန်ချီတက်လာသော သိုချီဘွား၏ တပ်များကို သတိုးမင်းဖျားဖြစ်လာမယ့် ရာဟုလာ ကို တကောင်းမှနေ၍ ခုခံတိုက်ခိုက်စေခဲ့ပါတယ်။
ရွပ်ရွပ်ချွံချွံခုခံသော်လည်း အင်းအားမမျှတာကြောင့်ဆုတ်ခွာခဲ့ရပါတယ်။ နိုင်အောင်မတိုက်နိုင်သလော ဟု မင်းပြောက်က အမျက်ထွက်ကာ ရာဟုလာအား ကြခတ်ဝရာသို့ သံခြေ ချင်းခတ်၍ ပို့လိုက်ပါတယ်။
နောက် သိုချီဘွားစစ်ကိုင်းကိုတိုက်သည့်အခါ မင်းပြောက်ကိုယ်တိုင် ကြခတ်ဝရာသို့ ထွက်ပြေးခဲ့ရပါတယ်။ အဲဒီနောက်တော့ သတိုးမင်းဖျားဟာ မင်းပြောက်ကို လုပ်ကြံခဲ့ပြီး စစ်ကိုင်းသို့သွားကာ မင်းပြုပါတယ်။
ပင်းယ နရသူ မရှိတဲ့နောက် နန်းတက်လတဲ့ ဥဇနာပြောင်အား တိုက်ခိုက်နန်းချပြီး ပင်းယ-စစ်ကိုင်း နှစ်ပြည်ထောင် မင်းလုပ်နေခဲ့ပါတယ်။ ဥဇနာပြောင်ရဲ့ မိဖုရား စောဥမ္မာကို ဆက်လက် မိဖုရားမြှောက်ခဲ့ပါတယ်။ ထိုသို့ကိစ္စကြီးကြီးမားမားတွေကို ဆောင်ရွက်ခဲ့တဲ့အချိန်မှာ သတိုးမင်းဖျားအသက်ဟာ ၁၉ နှစ် သာ ရှိပါသေးတယ်။
သိုချီဘွားတိုက်ခိုက်ဖျက်စီးခဲ့တဲ့ စစ်ကိုင်း နဲ့ ပင်းယ နှစ်နေရာလုံးကို မြို့သစ်ပြန်မတည်တော့ပဲ သီဟသူ ၃ကြိမ်တိုင်တိုင်တည်ရန်ကြိုးစားခဲ့သော အင်းဝနေရာမှာ မြို့တည်ဖို့ကြိုးစားခဲ့ပါတယ်။ ပညာရှိအမတ်များရဲ့ အကြံပေးမှုနဲ့ သတိုးမင်းဖျားရဲ့ အစီအမံကောင်းမှုတို့ကြောင့် အင်းဝကို တစ်နှစ်အတွင်းပြီးအောင် တည်နိုင်ခဲ့ပါတယ်။
သို့သော် နန်းတော်တည်ဆောက်ချိန်တွင် စေ့စပ်သေသပ်ခြင်းမရှိတာကြောင့် “တရိန်းမစပ်” လို့ သတိုးမင်းဖျားက ရေရွတ်တာကြောင့် ပုဏ္ဏားပရောဟိတ် နှင့် ပညာရှိတို့က နန်းသက် ၃နှစ် သာ ခံမယ်လို့ ကြိုတင်ဟောကိန်းထုတ်ခဲ့ပါတယ်။ သတိုးမင်းဖျား စတင်နန်းတက်ချိန်မှာပဲ ငနွယ်ကုန်းစား(ယခု ပျဉ်းမနား) ၊ တောင်ငူစား နှင့် တောင်တွင်းကြီးစားတို့က အသီးသီးပုန်ကန်ကြပါတယ်။
သတိုးမင်းဖျား၏ ပိုင်နက်ရေလွှဲငါးခရိုင်ကို ငနွယ်ကုန်းစား ဘယကျော်သူက လာရောက်ထိပါးတာကြောင့် အပြင်းအထန်သွားရောက်နှိမ်နှင်းခဲ့ပါတယ်။ ဘယကျော်သူနဲ့ ကိုယ်တိုင်ဓါးခြင်းယှဉ်ခုတ်ပြီး သတ်ဖြတ်ပစ်လိုက်ပါတယ်။ သတ်ပြီးတဲ့အခါမှာ အလောင်းကိုစားပွဲလုပ်ကာ စားပွဲလုပ်ကာ အောင်ပွဲခံခဲ့ပါတယ်။
အခြားသူမဆိုထားနဲ့ သူ၏မှူးမတ်များကိုယ်တိုင် ကြောက်ရွံ့ခဲ့ရပါတယ်။ အဲဒီနောက်တော့ သာသနာကို ညှိုးနွမ်းစေခဲ့တဲ့ ရှင်ပျက်တစ်ယောက်ကို ကွပ်မျက်ခဲ့ပါတယ်။ မုန့်သည်မ တစ်ယောက်၏ငွေကို လိမ်လည်လှည့်ဖျားခဲ့တာကြောင့် ဖြစ်ပါတယ်။ ထို့နောက် အစွမ်းထက်လှပါတယ်ဆိုတဲ့ ငတက်ပြားကို ပရိယာယ်နဲ့ ဖမ်းဆီးနိုင်ခဲ့ပါတယ်။
အေဒီ ၁၃၆၆ ခုနှစ်မှာတော့ တောင်တွင်းကြီးကို တိုက်ခိုက်ခဲ့ပါတယ်။ သို့သော်အလွယ်တကူမရခဲ့ပဲ ကြံကြံခိုင်နေတာကြောင့် သူရဲလွှတ်ပြီး တောင်တွင်းကြီးစားရဲ့ အားကိုးရသောအမတ်ကြီးကို သတ်သင်လိုက်တော့မှ တောင်တွင်းကြီးစားဟာ အရှုံးပေးခဲ့ပါတယ်။
တောင်တွင်းကြီးကို နိုင်ပြီးနောက် အေဒီ ၁၃၆၇ တွင် စကုမြို့ကို ချီတက်တိုက်ခိုက်ခဲ့ပါတယ်။ မြို့ကိုဝန်းရံနေစဉ် သတိုးမင်းဖျား ကျောက်ရောဂါဖြစ်တာကြောင့် ပြန်လည်ဆုတ်ခွာခဲ့ရပါတယ်။
ဆုတ်ခွာရာလမ်းခရီးမှာပဲ သတိုးမင်းဖျား အနိစ္စရောက်ခဲ့ပါတယ်။ မကွယ်လွန်မီမှာ မိဖုရားစောဥမ္မာကို စိတ်မချတာကြောင့် လူယုံ ငနု ကို သွားရောက်လုပ်ကြံစေခဲ့ပါတယ်။ မိဖုရားစောဥမ္မာရဲ့ ‘ဟဲ့ငနု နင်ယောင်္ကျားမဟုတ်လော’ ဟူသော စကားတစ်ခွန်းကြောင့် ငနုဟာ စောဥမ္မာရဲ့ မာယာထဲနစ်မြောသွားခဲ့ပါတယ်။
သတိုးမင်းဖျား နတ်ရွာစံပြီးနောက် မှူးမတ်တို့က ရမည်းသင်းစားသီလဝကို ထီးနန်းအပ်သော်လည်း လက်မခံပဲ အမြင့်စားမင်းကြီးစွာစော်ကဲ ကို လွှဲလိုက်တာကြောင့် ‘မရွယ်ပဲစော်ကဲမင်းဖြစ်’ စကား ပေါ်လာခဲ့ရပါတယ်။
သတိုးမင်းဖျားနတ်ရွာစံချိန်တွင် သက်တော် ၂၄ နှစ် ကျော်သာ ရှိပါသေးတယ်။ တိုတောင်းလှတဲ့ နန်းသက် ၃ နှစ် အတွင်းမှာ အသက်အရွယ်နဲ့ မလိုက်အောင် မြို့သစ်တည်ခြင်း ၊ နယ်ပယ်ချဲ့ထွင်းရေး နှင့်တိုင်းပြည်တည်ငြိမ်ရေးကို လုပ်ဆောင်နိုင်ခဲ့သူ ဖြစ်ပြီး လေးစားဖို့ကောင်းတဲ့ဘုရင်တစ်ပါးပဲ ဖြစ်ပါတော့တယ်။
Credit
Zawgyi
၁၉ႏွစ္ သားနဲ႕ အင္းဝ ကို တည္ေထာင္နိုင္ခဲ့သူ
ပုဂံေနျပည္ေတာ္အား မြန္ဂိုတပ္မ်ား က်ဴးေက်ာ္တိုက္ခိုက္ခဲ့ၿပီးေနာက္ ပုဂံသည္ မင္းေနျပည္ေတာ္အျဖစ္မွ ေလွ်ာက်ကာ ၿပိဳကြဲသြားခဲ့ပါတယ္။
ပင္းယ ၊ စစ္ကိုင္း ၊ ေလာင္းၾကက္ ၊ ဟံသာဝတီ စတဲ့ နိုင္ငံငယ္ေလးမ်ား အျဖစ္အသီးအသီး မင္းမႈၾကပါတယ္။ ပင္းယတြင္ သတိုးမင္းဖ်ားနန္းတက္ခဲ့ၿပီးေနာက္ ၿမိဳ႕အေျခအေနကို မႏွစ္သက္ပဲ ၿမိဳ႕သစ္တည္ခဲ့ရာမွာ အင္းဝၿမိဳ႕ဆိုၿပီးျဖစ္လာပါတယ္။
သတိုးမင္းဖ်ားဟာ ပင္းယၿမိဳ႕တည္တစ္စီးရွင္သီဟသူ ၏ ျမစ္ျဖစ္ၿပီး စိုးမင္းကိုယ္ေတာ္ႀကီး၏ သား ျဖစ္ပါတယ္။ စစ္ကိုင္းမွာေနစဥ္ ဘေထြးေတာ္မင္းေျပာက္က စစ္ကိုင္းကိုသိမ္းပိုက္ရန္ခ်ီတက္လာေသာ သိုခ်ီဘြား၏ တပ္မ်ားကို သတိုးမင္းဖ်ားျဖစ္လာမယ့္ ရာဟုလာ ကို တေကာင္းမွေန၍ ခုခံတိုက္ခိုက္ေစခဲ့ပါတယ္။
႐ြပ္႐ြပ္ခြၽံခြၽံခုခံေသာ္လည္း အင္းအားမမွ်တာေၾကာင့္ဆုတ္ခြာခဲ့ရပါတယ္။ နိုင္ေအာင္မတိုက္နိုင္သေလာ ဟု မင္းေျပာက္က အမ်က္ထြက္ကာ ရာဟုလာအား ၾကခတ္ဝရာသို႔ သံေျခ ခ်င္းခတ္၍ ပို႔လိုက္ပါတယ္။
ေနာက္ သိုခ်ီဘြားစစ္ကိုင္းကိုတိုက္သည့္အခါ မင္းေျပာက္ကိုယ္တိုင္ ၾကခတ္ဝရာသို႔ ထြက္ေျပးခဲ့ရပါတယ္။ အဲဒီေနာက္ေတာ့ သတိုးမင္းဖ်ားဟာ မင္းေျပာက္ကို လုပ္ႀကံခဲ့ၿပီး စစ္ကိုင္းသို႔သြားကာ မင္းျပဳပါတယ္။
ပင္းယ နရသူ မရွိတဲ့ေနာက္ နန္းတက္လတဲ့ ဥဇနာေျပာင္အား တိုက္ခိုက္နန္းခ်ၿပီး ပင္းယ-စစ္ကိုင္း ႏွစ္ျပည္ေထာင္ မင္းလုပ္ေနခဲ့ပါတယ္။ ဥဇနာေျပာင္ရဲ႕ မိဖုရား ေစာဥမၼာကို ဆက္လက္ မိဖုရားျမႇောက္ခဲ့ပါတယ္။ ထိုသို႔ကိစၥႀကီးႀကီးမားမားေတြကို ေဆာင္႐ြက္ခဲ့တဲ့အခ်ိန္မွာ သတိုးမင္းဖ်ားအသက္ဟာ ၁၉ ႏွစ္ သာ ရွိပါေသးတယ္။
သိုခ်ီဘြားတိုက္ခိုက္ဖ်က္စီးခဲ့တဲ့ စစ္ကိုင္း နဲ႕ ပင္းယ ႏွစ္ေနရာလုံးကို ၿမိဳ႕သစ္ျပန္မတည္ေတာ့ပဲ သီဟသူ ၃ႀကိမ္တိုင္တိုင္တည္ရန္ႀကိဳးစားခဲ့ေသာ အင္းဝေနရာမွာ ၿမိဳ႕တည္ဖို႔ႀကိဳးစားခဲ့ပါတယ္။ ပညာရွိအမတ္မ်ားရဲ႕ အႀကံေပးမႈနဲ႕ သတိုးမင္းဖ်ားရဲ႕ အစီအမံေကာင္းမႈတို႔ေၾကာင့္ အင္းဝကို တစ္ႏွစ္အတြင္းၿပီးေအာင္ တည္နိုင္ခဲ့ပါတယ္။
သို႔ေသာ္ နန္းေတာ္တည္ေဆာက္ခ်ိန္တြင္ ေစ့စပ္ေသသပ္ျခင္းမရွိတာေၾကာင့္ “တရိန္းမစပ္” လို႔ သတိုးမင္းဖ်ားက ေရ႐ြတ္တာေၾကာင့္ ပုဏၰားပေရာဟိတ္ ႏွင့္ ပညာရွိတို႔က နန္းသက္ ၃ႏွစ္ သာ ခံမယ္လို႔ ႀကိဳတင္ေဟာကိန္းထုတ္ခဲ့ပါတယ္။ သတိုးမင္းဖ်ား စတင္နန္းတက္ခ်ိန္မွာပဲ ငႏြယ္ကုန္းစား(ယခု ပ်ဥ္းမနား) ၊ ေတာင္ငူစား ႏွင့္ ေတာင္တြင္းႀကီးစားတို႔က အသီးသီးပုန္ကန္ၾကပါတယ္။
သတိုးမင္းဖ်ား၏ ပိုင္နက္ေရလႊဲငါးခရိုင္ကို ငႏြယ္ကုန္းစား ဘယေက်ာ္သူက လာေရာက္ထိပါးတာေၾကာင့္ အျပင္းအထန္သြားေရာက္ႏွိမ္ႏွင္းခဲ့ပါတယ္။ ဘယေက်ာ္သူနဲ႕ ကိုယ္တိုင္ဓါးျခင္းယွဥ္ခုတ္ၿပီး သတ္ျဖတ္ပစ္လိုက္ပါတယ္။ သတ္ၿပီးတဲ့အခါမွာ အေလာင္းကိုစားပြဲလုပ္ကာ စားပြဲလုပ္ကာ ေအာင္ပြဲခံခဲ့ပါတယ္။
အျခားသူမဆိုထားနဲ႕ သူ၏မႉးမတ္မ်ားကိုယ္တိုင္ ေၾကာက္႐ြံ႕ခဲ့ရပါတယ္။ အဲဒီေနာက္ေတာ့ သာသနာကို ညွိုးႏြမ္းေစခဲ့တဲ့ ရွင္ပ်က္တစ္ေယာက္ကို ကြပ္မ်က္ခဲ့ပါတယ္။ မုန႔္သည္မ တစ္ေယာက္၏ေငြကို လိမ္လည္လွည့္ဖ်ားခဲ့တာေၾကာင့္ ျဖစ္ပါတယ္။ ထို႔ေနာက္ အစြမ္းထက္လွပါတယ္ဆိုတဲ့ ငတက္ျပားကို ပရိယာယ္နဲ႕ ဖမ္းဆီးနိုင္ခဲ့ပါတယ္။
ေအဒီ ၁၃၆၆ ခုႏွစ္မွာေတာ့ ေတာင္တြင္းႀကီးကို တိုက္ခိုက္ခဲ့ပါတယ္။ သို႔ေသာ္အလြယ္တကူမရခဲ့ပဲ ႀကံႀကံခိုင္ေနတာေၾကာင့္ သူရဲလႊတ္ၿပီး ေတာင္တြင္းႀကီးစားရဲ႕ အားကိုးရေသာအမတ္ႀကီးကို သတ္သင္လိုက္ေတာ့မွ ေတာင္တြင္းႀကီးစားဟာ အရႈံးေပးခဲ့ပါတယ္။
ေတာင္တြင္းႀကီးကို နိုင္ၿပီးေနာက္ ေအဒီ ၁၃၆၇ တြင္ စကုၿမိဳ႕ကို ခ်ီတက္တိုက္ခိုက္ခဲ့ပါတယ္။ ၿမိဳ႕ကိုဝန္းရံေနစဥ္ သတိုးမင္းဖ်ား ေက်ာက္ေရာဂါျဖစ္တာေၾကာင့္ ျပန္လည္ဆုတ္ခြာခဲ့ရပါတယ္။
ဆုတ္ခြာရာလမ္းခရီးမွာပဲ သတိုးမင္းဖ်ား အနိစၥေရာက္ခဲ့ပါတယ္။ မကြယ္လြန္မီမွာ မိဖုရားေစာဥမၼာကို စိတ္မခ်တာေၾကာင့္ လူယုံ ငႏု ကို သြားေရာက္လုပ္ႀကံေစခဲ့ပါတယ္။ မိဖုရားေစာဥမၼာရဲ႕ ‘ဟဲ့ငႏု နင္ေယာကၤ်ားမဟုတ္ေလာ’ ဟူေသာ စကားတစ္ခြန္းေၾကာင့္ ငႏုဟာ ေစာဥမၼာရဲ႕ မာယာထဲနစ္ေျမာသြားခဲ့ပါတယ္။
သတိုးမင္းဖ်ား နတ္႐ြာစံၿပီးေနာက္ မႉးမတ္တို႔က ရမည္းသင္းစားသီလဝကို ထီးနန္းအပ္ေသာ္လည္း လက္မခံပဲ အျမင့္စားမင္းႀကီးစြာေစာ္ကဲ ကို လႊဲလိုက္တာေၾကာင့္ ‘မ႐ြယ္ပဲေစာ္ကဲမင္းျဖစ္’ စကား ေပၚလာခဲ့ရပါတယ္။
သတိုးမင္းဖ်ားနတ္႐ြာစံခ်ိန္တြင္ သက္ေတာ္ ၂၄ ႏွစ္ ေက်ာ္သာ ရွိပါေသးတယ္။ တိုေတာင္းလွတဲ့ နန္းသက္ ၃ ႏွစ္ အတြင္းမွာ အသက္အ႐ြယ္နဲ႕ မလိုက္ေအာင္ ၿမိဳ႕သစ္တည္ျခင္း ၊ နယ္ပယ္ခ်ဲ့ထြင္းေရး ႏွင့္တိုင္းျပည္တည္ၿငိမ္ေရးကို လုပ္ေဆာင္နိုင္ခဲ့သူ ျဖစ္ၿပီး ေလးစားဖို႔ေကာင္းတဲ့ဘုရင္တစ္ပါးပဲ ျဖစ္ပါေတာ့တယ္။
Credit