အံ့ဖွယ် ကမ္ဘာ့အကြီးဆုံး ဗုဒ္ဓဘာသာဘုန်းကြီးမြို့တော်
ဘုန်းကြီးမြို့တော်ဟုနာမည်ပေးထားသော်လည်း၊ တကယ်တော့ဗုဒ္ဓဘာသာ အကယ်ဒမီ၊ စာသင်တိုက်များဖြစ်ပါသည်။လူနေအိမ်များမဟုတ် အနီရောင်တဲအိမ်များဖြင့် တည်ဆောက်ထားသည့်ဗုဒ္ဓဘာသာ ဘုန်းတော်ကြီးတဲကျောင်းများသာဖြစ်သည်။အဓိက မိမိတို့လေ့လာလိုသည့် ပရိယတ္တိ ပဋိပတ္တိ ပဋိဝေဒများကိုသာလေ့လာခွင့်ရှိသည်။
အချို့ဘုန်းကြီးများကလည်း စကားမပြောဘဲ ၀စီပိတ်ကျင့်ကြံကြဧ။်။အလွန်းအလွန်သာယာပြီး သူတော်ကောင်းတို့ရဲ့ ဓမ္မစာပေများသာကြားရပြီးဆဲဆိုသံ ရန်ုဖြစ်သံမကြားရပါ အလွန်အေးချမ်းပြီး တိတ်ဆိတ် ငြိမ်သက်လှပါတယ်။
အလွန်အံသြစရာနေရာတစ်ခုလည်းဖြစ်ပါတယ်။တရုတ်နိုင်ငံ၊ ချန်ဒူမြို့မှ မိုင် ၃၇၀ အကွာရှိ ၊ လာရန်ဂါတောင်ကြားတွင်ဘုန်းတော်ကြီးနှင့် သီလရှင် အပါး(၄၀၀၀၀) လေးသောင်းကျော်သီတင်းသုံးနေထိုင်ကြပါတယ်။ဘုန်းတော်ကြီးများနှင့် သီလရှင်များတို့ရဲ့၊ နေထိုင်ရာနေရာနဲ့ကျောင်းကြားတွင် လမ်းမကြီးဖြင့် စည်း ခြားထားပါတယ်။
ထိုဗုဒ္ဓဘာသာဘုန်းကြီးမြို့တော်ကို၊ ထင်ရှားသည့် ယင်မာ လာမာ ဘုန်းတော်ကြီးတစ်ပါးဖြစ်သူ၊ ဂျစ်မီဖန့်ဆော့စ်က လူနေထိုင်ခြင်းမရှိသည့် တောင်ကြား၌ ၁၉၈၀ တွင်၊စတင်တည်ထောင်ခဲ့ခြင်းဖြစ်သည်။ ဝေးလံခေါင်သီ သည့် ဒေသတွင်ရှိသော်လည်း၊လာရန်ဂါအကယ်ဒမီမှာ၊ ကမ္ဘာ့အကြီးဆုံး ဗုဒ္ဓဘာသာ အခြေချနယ်မြေဖြစ်လာခဲ့သည်။
ချန်ဒူမြို့မှ မိုင် ၃၇၀ အကွာ ဆာတာဒေသရှိ ၊ ထိုဗုဒ္ဓဘာသာဘုန်းကြီးမြို့တော်သို့၊သွားရောက်လိုပါက နာရီ ၂၀ ကြာ၊ ခရီးကို ဖြတ်သန်းရမည်ဖြစ်သည်။သာယာလှပသည့် ထိုဒေသတွင်၊ တီဗီများကို ပိတ်ပင်ထားပြီးဘုန်းတော်ကြီးနှင့် သီလရှင်များမှာ၊ ဘာသာရေးစာပေများ လေ့လာသင်ယူခြင်း၊ဘုရားရှိခိုးခြင်းတို့ဖြင့် ကောင်းကျိုးရရှိရန် နေထိုင်ကြသည်။
ဗုဒ္ဓဘာသာဘုန်းကြီးမြို့တွင် ၊ တရုတ်လူမျိုး စာသင်သားများအဖြစ် ထိုင်၀မ်၊ တိဘက်၊ဟောင်ကောင်၊ စင်ကာပူနှင့် မလေးရှားမှ စာသင်သားများပါ သင်ကြားလျက်ရှိသည်။
သီးခြားစီခွဲခြားထားသည့် စာသင်ခန်းများတွင်၊ မန်ဒရင်းတရုတ်ဘာသာဖြင့် သင်ကြားပြီးစာသင်ခန်း ကျယ်ကြီးများတွင်၊ တိဘတ်ဘာသာဖြင့် သင်ကြားလျက် ရှိသည်။…..
Ashin Pannathiha